ကြက်ဆီထမင်းနဲ့ ကြက်သားဟင်း

ခုတလော ဟင်းတွေချက်ပြီ ပုံတွေစုထားတယ်။ ပျင်း နေတာလား?စိတ်လေ နေတာလား?စိတ်ပျက် နေတာလား? စိတ်ဓာတ် ကျနေတာလား? ဘာမှန်းကို မသိဘူး။ တခါ တခါလောကကြီးနဲ့ ကိုယ့်ကျန်းမာရေး ကို အရမ်းစိတ်ပျက်မိတယ်။ အသက်က 30ကျော်ရှိနေပြီ ဘာတည်ငြိမ်မှုမှ မရသေးဘူး။ တခုခုဆို အဆိုးဆုံး အထိတွေးပြီး သောကဖြစ်နေတတ်တယ်။  ခွဲစိတ်ရမှာ သေချာပေမဲ့ ဘယ်တော့ဆိုတာတော့ မသိသေးပါ ဘူး။ ခုလို ဂရုတစိုက် ဆုတောင်းပေးကြတဲ့ မောင်နှမတွေ အားလုံးကို ကျေးဇူးတင်ပါတယ်။

ကြက်သားဝယ်လာတာ အဆီတွေနဲ့အရေခွံတွေ များနေလို့ ကြက်ဆီထမင်း ချက်ကျွေးမယ်လုပ်တော့ ဖြူဖတ်ဖတ်ကြက်သားတော့ မစားချင်ဘူးနော်တဲ့။ ဒါနဲ့ ကြက်ဆီနဲ့လှော်ထားတဲ့ဆန်ကို ပဲလုံးထည့်ပြီး ချက်လိုက်တယ်။

ကြက်ဆီတွေကိုဆီနဲနဲနဲ့ ကြော်ပြီဆီထုတ်ပါတယ်။ ဆီထွက်လာရင် ကြက်အရေခွံနဲ့ အဆီဖတ်တွေဖယ် ထုတ်လိုက်ပြီ ကျန်တဲ့ဆီမှာ နာနတ်ပွင့် တပွင့်ထည့်၊ ကြက်သွန်ဖြူ ဓါးပြားရိုက်ထည့်၊ နံနံပင်အမြစ်ထုထည့်၊ ဆန်ကိုရေဆေးပြီး ထည့်လှော်ပါတယ်။ ဆန်အရောင်လေးနဲနဲဝါလာရင်၊ ပဲငံပြာရည်အနှောက်ထည့်၊ ပဲလုံးထည့်ပြီး  ထမင်းပေါင်းအိုးထဲထည့် ရေဆူ အနေတော်ထည့်ပြီး ချက်လိုက်ပါတယ်။ ဒါနဲ့ တွဲစားဖို့က ကြက်သားကို အစပ်ဆီပြန်ချက်ထားပါတယ်။

                                           ပဲလုံးပါတဲ့ ကြက်ဆီထမင်းပေါ့ :)

ကြက်ပေါင်သားကို ကြက်သွန်နီ/ဖြူ၊ ဂျင်း၊ ငရုတ်သီးအခြောက်၊ စပါးလင်ကို ညှက်အောင်ထောင်း ဆီသတ် ပါတယ်။ ကြက်သွန် အရောင်လှလာရင် အရောင်တင်နဲ့ ဆနွင်းမှုန့် နဲနဲထည့်၊ ကြက်သားထည့်၊ ဆားနဲ့အချိုမှုန့် တခါတည်းထည့်ပြီး ဆီပြန်လာချက်ပါတယ်။ ဆီပြန်လာမှ မဆလာအုပ်ပါတယ်။

သခွါးသီးနဲ့ ကြက်သွန်နီကို ပါးပါးလှီးပြီး ဗီနီကာနဲ့ စိမ်ထားပါတယ်။ ပြီးမှ ဆယ်ပြီ ငရုတ်သီးစိမ်း၊ ဆားအချိုမှုန့် ထည့်သုပ်ထားတယ်။ နံနံပင် ကုန်နေလို့ မထည့်လိုက်ရဘူး။

ဘလာချောင်ကြော်ပါ။ ဟိုတခါကြော်ထားတာ။ ဒီပုံကလည်း ပလာတာစားထားတုန်းက ရိုက်ထားတာ :)

ကြက်သွန်ဖြူ သနပ်ပါ။ အိန္ဒိယဆိုင်က ၀ယ်လာတာပါ။ စားလို့ ကောင်းတယ် ကြိုက်တယ်။ ကုလားပဲခြမ်းနဲ့ ရောချက်တာ စားလို့ ကောင်းမှကောင်း။

ပုံတွေ ကြီးလို့ မမြင်ရဘူးပြော ကြလို့ပါ။ နဲနဲလျော့လိုက်တယ် သည်းခံပါ :)

ခင်မင်စွာဖြင့်
Baby taster