Baby taster: ဒန်ပေါက်

ဒန်ပေါက် လုပ်စားထားတာပါ။ ၂ပတ်လောက်ကပါ။ ဒီတခါ ဧည့်သည်တွေကို ခေါ်ထားတော့ ပြောသ လောက် ပုံတွေ မရိုက်လိုက်ရဘူး။ တော်ကြာ သူများကို ကျွေးတာတောင် ပုံနဲ့တကွ မှတ်တမ်းတင်ထား လားလို့ ထင်နေမှာစိုးလို့လေ။ ကိုယ်တွေလို ဘလောဂ့်မှာ ကြွားနေကြ အချင်းချင်းဆို ကိစ္စမရှိပေမယ့် မသိ တဲ့လူဆို ပြောခံနေရမယ်နော် :P ဒါနဲ့ပဲ စုံစေ့အောင် ပုံမရိုက်လိုက်နိုင်ပါဘူး။

အရင်က ဒန်ပေါက် တင်ဖူးပါတယ်။ အခုဒန်ပေါက် မဆလာကတော့ Malay Chicken Briyani အထုပ်လေး ကို သုံးထားပါတယ်။ မလေးက မန်ကျည်းမှည့်ထည့်ပေမယ့် ကိုယ်ကတော့ မထည့်ထားပါဘူး။

ပထမဆုံး ကြက်သားကို အရေခွံခွါပြီး တုံးပါတယ်။ ကြက်သားထဲကို ဒန်ပေါက်မဆလာ ၂ဇွန်း၊ ဆား၊ အချို မှုန့်နဲ့ ကြက်သွန်ဖြူ၊ ဂျင်းထောင်းပြီး နှပ်ထားပါတယ်။ ၂နာရီကြာတဲ့အခါမှာ ရေဆူနဲနဲလေးထည့်ပြီး ကြက် သားကို ပြုပ်လိုက်ပါတယ်။ ကြက်သားထဲက ရေခမ်းရင် ဆီပူထဲ ထည့်ပြီး အပေါ်ရေတင်းအောင် နဲနဲကြော် ပါတယ်။

ဒယ်အိုတည် ဆီနဲ့ ထောပတ်ကို ဆတူထည့်ပြီး ပူလာရင်၊ ကရဝေးရွက်၊ သစ်ဂျပိုးခေါက်၊ ဖာလာ၊ လေးညှင်းပွင့်နဲ့ ငရုတ်ကောင်းစေ့တွေကို ဆီသတ်၊ ကြက်သွန်နီ ခပ်များများကိုလှီးပြီ ဆီသတ်ပါတယ်။ ကြက်သွန်နီ အနီရောင်သန်းလာရင် ချန်ထားတဲ့ ဒန်ပေါက်မဆလာထည့်၊ ရေနဲနဲထည့်ပြီး အနှစ်ကြေ အောင်လုပ်လိုက်ပါတယ်။ ပြီးမှ ကြက်သားထည့်၊ ဆားနဲ့ ဟင်းမွှေးမဆလာအုပ်ပြီး မီးငွေ့ငွေ့လေးမှာ နှပ်ထားပါတယ်။

ဆန်ကို ရေဆေးပြီး နာရီဝက် စိမ်ထားပါတယ်။ (Basmathi Rice ကို ဒန်ပေါက်အတွက် သုံးကြပေမဲ့။ မာလွန်းလို့ မကြိုက်ပါဘူး။ Thai Jasmin Rice ကိုပဲသုံးဖြစ်ပါတယ်။ )

အိုးတလုံးမှာ ရေထည့်ပြီးတည်ပါ၊ ရေဆူလာရင် သစ်ဂျပွေးခေါက်တချောင်းနဲ့၊ ဆားထမင်းစားဇွန်း ၃ဇွန်း ထည့်ပါ။ ရေဆူလာရင် စိမ်ထားတဲ့ဆန်ထည့်၊ ဆန်ပွက်လာပြီဆိုတာနဲ့ ဇကာနဲ့ ရေစစ်ချလိုက်ပါ။

အိုးအလွတ်တလုံးမှာ အောက်ဆုံးက စစ်ထားတဲ့ ထမင်းတ၀က်ထည့်၊ ကြက်သားကိုဖြန့်ထည့်၊ အပေါ်ကနေ ထမင်းနဲ့ ပြန်အုပ်၊ အပေါ်ဆုံးမှာ ကြက်သွန်ကြော်ဖြူး၊ ကုံကုမံ(စာလုံးပေါင်းမှားနိုင်ပါတယ်)ကို နို့နဲ့ စိမ်ပြီး အရောင်လှအောင်ဖျန်း၊ အဖုံးကို လုံအောင်ပိတ်ပြီး နှပ်ထားလိုက်ပါတယ်။ ဒါကတော့ ဒန်ပေါက် အစစ်စား ချင်သူတွေအတွက်ပါ။ စပျစ်ခြောက်တွေ ဘာတွေ ထည့်ကြပေမဲ့ ကိုယ်ကမကြိုက်လို့ ဘယ်တော့မှ မထည့် ပါဘူး။

ပန်ချာကုလား( စစ်ခ့်)တွေ ချက်တဲ့ ဒန်ပေါက်ကတော့ ကြက်သားနဲ့ ဆန်ကို တခါတည်းရောချက်ကြပါတယ်။

တချို့ အိန္ဒိယတွေကတော့ အသားကို ဒိန်ချဉ်နဲ့ နှပ်ပြီး မဆလာတွေရော အိုးအောက်ဆုံးမှာ အသားကို မချက်ပဲ ထည့်ပြီး အပေါ်ကနေ ထမင်းကိုထည့်ပြီး ချက်ကြပါတယ်။ အထူးသဖြင့် ပတ်ကီစတန်တွေပေါ့။ ဒန်ပေါက်က သူတို့ကလာတယ်ဆိုတော့ သူတို့ ချက်တာ အမှန်နေမှာပါ။ ဒါပေမဲ့ ကိုယ်တွေက ငယ်ငယ်က တည်းက ကြက်သားကို ချက်ပြီး ဒန်ပါက်ဖောက်စားခဲ့တော့ အဲ့လိုပဲ ကြိုက်သွားတယ် ထင်တာပဲ။ ငယ် ငယ်က အိမ်မှာ ကြေးအိုရှိတယ်။ ဒန်ပေါက်ကို အဲ့ဒီမှာ ဖောက်တယ်။ အလုံပိတ်အောင် ဂျူံနယ်ပြီး အဖုံးကို ပတ်ပတ်လည်ပိတ်တယ်။