နံနက်စာများ(၆)

မုန့်ဟင်းခါးနဲ့ ကောက်ညှင်းပဲပြားကြော်( မန်းလေးပဲကပ်ကြော်တဲ့) ကိုယ်တို့မြစ်ကြီးနားမှာတော့ ကောက် ညှင်းပဲပြားကြော်လို့ ခေါ်တယ်။ စားချင်တာကတော့ ကြာလှပေါ့။ QT လုပ်စားတော့ သတိတယ လုပ်စားဖြစ်တော့တယ်။ ဒီလိုပါပဲ စားဖို့ရက်က သိပ်မရှိဘူး။ စနေ တနင်္ဂနွေပဲ အချိန်ရတာ ဆိုတော့လေ အချိန်ရတုန်းကကြော်စားဖြစ်ခဲ့တယ်။ ကြော်နည်း သိပြီးသား ဖြစ်ကြ မှာပါ။

ကောက်ညှင်းပဲပြားကြော်

ကောက်ညှင်းပေါင်းနဲ့ တို့ဖူးကြော်၊ ကောက်ညှင်းပေါင်းနဲ့ အတူထည့်ပေါင်းထားတဲ့ ပဲစေ့လေးတွေကို ညီမလေး ရိုစ့်က မေးခဲ့ဖူးပါတယ်။ ဘယ်လိုခေါ်သလဲတဲ့း) အဲ့ဒီနေ့ကနေ စပြီး ဗီယက်နာမ် ဆိုင်ရောက်တိုင်း ရှာကြည့်တယ် ဒီပဲမျိုး မတွေ့တော့ဘူး။ ဆေားရီးပါ ရိုစ့်လေးရေ။

ကောက်ညှင်းပေါင်းနဲ့ တို့ဖူးကြော်၊ အချဉ်ရည်ကတော့ မြန်မာငြုပ်ဆီကို ငရုပ်သီးစိမ်၊ ကြက်သွန်ဖြူ၊ နံနံပင်နဲ့ သံပုရာသီး နဲနဲထည့်ဖျော်ထားပါတယ်။

နှမ်းမရှိလို့ မဖြူးလိုက်ဘူး

တိုဖူး ကျိုနည်းကို အရင်ကလည်း ရေးဖူးပါတယ်။ ခုတခါ ကျိုတဲ့တိုဖူးကတော့ ကုလားပဲ သက်သက်မဟုတ်ပဲ၊ မြေပဲပါ ထည့်ပြီး ကျိုထားတာပါ။ ရှမ်းပြည်ဖက်ကလူတွေနဲ့ ကချင်ဖက်ကလူတွေတော့ စားဖူးကြမှာပါ။

အခွံချွတ်ပြီးသား မြေပဲနဲ့ ကုလားပဲခြမ်းတို့ကို စတူရောပြီး နို့ဆီဘူး ၃ဗူးစာ ရေစိမ်ထားပါတယ်။ တည ရေစိမ်ထားတဲ့ ပဲတွေကို နောက်နေ့ ရေဆေးပြီး ရေ နို့ဆီဗူး၇ဗူးထည့်ပြီး ကြိတ်စက်နဲ့ကြိတ်၊ အရည်ယူပြီး အဖတ်တွေ ပြစ်လိုက် ပါတယ်။ ပဲရည်တွေကို အိုးတလုံးထဲထည့်၊ ဆနွင်းနဲနဲခပ်၊ ဆားပါလေကာ ထည့်ပြီး ကျိုပါတယ်။ ပဲတွေပျစ်ခဲ နေမှ လိုချင်တဲ့ ဗန်းထဲ လောင်းထည့်ပြီး အအေးခံထားပါတယ်။ မြေပဲ မကြိုက်ရင် မထည့်လည်းရပါတယ်။

အတွင်းဖက်က

တို့ဖူးကြော်(၀မ်းတိုဖူးလို့လည်း မြစ်ကြီးနားက ခေါ်တယ်)

ချော(အစိမ်းရောင်လွင်ပြင်)က မြီးရှည်ချက်စားတော့ ကိုယ်လည်း မနေနိုင်စွာပဲ၊ အမဲသားပြုပ်တွေနဲ့ လုပ်ပြီး စားလိုက်ကြတယ်။

မနေ့ညနေက ပျင်းလို့ လျှောက်သွားတယ်။ မနေနိုင်စွာပဲ ၀ယ်လာမိပြန်တယ်။ ကိုယ့်အတွက်တော့ တထည်တည်း ပါပါတယ်။ ကျန်တာ သူတို့ဖို့ပဲ။ အပြင်ထွက်တိုင်း ပစ္စည်းဝယ်မိတဲ့ ကိုယ့်အကျင့်ကို မုန်းတယ်။ ပိုက်ပိုက်မစုမိဘူးလေး(

ခင်မင်စွာဖြင့်

Baby taster